La TTK sukcesis!

La TTK sukcesis! El Dallas kaj norda Teksaso venis Ron Wolf, Jarlo Bills, Fred kaj Susan Meyer, Rhanda Hasley, kaj Filipo Dorcas. Aŭstino-klubanoj 6opou, Robert, Jim, ghewgill, John (kaj lia patrino Dorothy el orienta Teksaso), Jeremio kaj Mei-Ling, kaj mi ĉeestis. Ankaŭ Trevor el San Antonio ĉeestis. (Pardonu min se mi forgesis iun ajn.) (Malfeliĉe, la Hjustonuloj ne ĉeestis, pro lastminuta malsaneco. Mi volis aŭskulti James Reynolds ludi lian version de kanto de Nirvana! Eble je la sekvonta TTK... jes, mi kredas ke estos alia TTK!)

Ni kunvenis ĉe la domo de 6opou, kaj renkontis kaj parolis. Ni verkis nomosignojn kaj portis ilin, kio helpis lerni nomojn. Eventuale, ni promenis al la HEB Central Market por tagmanĝi. La vetero ŝajnis agrabla (nur iomete malvarma), sed kiam ni sidiĝis ekstere, pluvo komencis. Bonŝance, estas granda tendo sur la teraso, do ni sidis sub la tendo kaj manĝis.

Originale, ni planis ludi golfeton, kaj eble viziti Ĝardenon Zilker, aŭ ludi kegloludon se la vetero malbonas. Fakte, ni simple revenis al la hejmo de 6opou kaj babilis plue, tra la tuta tago! Ĉiuokaze, ĉi tio sufiĉis, ĉar la celo de la TTK estis simple renkonti, amuziĝi, kaj babili Esperante. Ankaŭ mi instruis Jim pri la go-ludo (kaj mi konfesas ni krokodilis, pro la teknikaj vortoj kaj konceptoj de goo) kaj tiam ludis Esperantan vortludon de Jim. Ĉar ni estis 16 homoj, aliaj agadoj okazis, pri kiuj mi ne scias, sed certe estis multaj konversacioj - tre agrable!

Ankaŭ mi lastatempe verkis malgrandajn Esperanto-flagetojn por afiŝi sur la aŭto, ktp; do mi fordonis ilin al ĉiuj kunvenantoj.

Tiam ni veturis al la restoracio Shanghai River por vespermanĝi (kaj kompreneble por babili plue). Poste, kvar Dallasanoj veturis hejmen (estas longa veturo ja!) kaj ankaŭ Trevor veturis al San Antonio. Aliaj revenis al la domo por spekti la filmon Inkubus (dankon al John) kaj trinki bieron (dankon al Robert). Ni ĝuis la filmon, eble pro la biero...

Estis tre longa tago! Mi skribos pli bonan tutan raporton pli malfrue, sed ĉi tio estas la baza ideo. Por ni Aŭstinaj komencintoj, estis tre utile kaj ĝueble paroli dum tuta tago kun la pli spertaj parolantoj el Dallas. Ili estas tre helpemaj. Dankegon! Mi neniam parolis Esperante dum tiom da horoj (12!) antaŭe. Tre amuze. Kaj dankon al 6opou pro la uzado de lia domo!

Nun mi tre lacegas!

Jen du fotoj:


La tuta grupo (krom Rhanda, ŝajne) ĉe la domo de 6opou (sub lia nova granda flago)


Ni promenas el HEB al hejmo